Завод лойиҳаси 5,5 миллион АҚШ долларига баҳоланган. Айни пайтда заводнинг техник асбоб-ускунлари сотиб олинган. Қурилиш ишлари жорий йилнинг декабрь ойи ўрталарида бошланади. Завод кейинги йил ишга туширилиши режалаштирилаяпти.
Янги завод Чимкентдаги “Тозалик-21” ташкилотининг негизида ташкил қилинади. Мазкур ташкилот раҳбари Нурлан Давлатбоевга кўра, заводда макулатура (қоғоз чиқиндилари) ва турли хил маиший чиқиндилар қайта ишланади. Пластмасса чиқиндиларидан тувак, тоғора, челак каби турли хил идишлар ишлаб чиқарилади. Шиша идишлар синиқларидан эса Чимкент шаҳридаги пиво ишлаб чиқариш заводи учун шиша идишлар тайёрланади.
